BROKOLI

 

Brokoli i takon familjes së perimeve cruciferous, ku përfshihen lakra, lulelakra, lakra e brukselit, lakra jeshile, rrepat etj. Brokoli ka reputacion si ushqim shumë i shëndetshëm, “superushqim”. Ai është një burim i shkëlqyer i vitaminës K, vitaminës C, kromit dhe folateve. Është një burim shumë i mirë i fijeve dietetike, acidit pantothenic, vitaminës B6, vitaminës E, manganit, fosforit, kolinës, vitaminës B1, vitaminës A (në formën e karotenoideve), kaliumit dhe bakrit. Brokoli është gjithashtu një burim i mirë i magnezit, omega-3 acide yndyrore, proteinave, zinkut, kalciumit, hekurit, niacinës dhe selenit. Në 150 gr brokoli të coptuar dhe të gatuar ka 55 kalori, 245% vitaminë K, 135% vitaminë C, 53% krom, 42% folate, 21% fibër, 19% acid pantothenic, 18% vitaminë B6, 15% vitaminë E, 15% fosfor, 15% manganez, 15% kolinë, 15% vitaminë B2,  13% vitaminë A, 13% potas, 11% bakër, 8% vitaminë B1, 8% omega-3 fats, 8% magnez, 7% proteinë, 6% zink, 6% hekur, 6% kalcium, 5% selen, 5% vitaminë B3. Kombinimi unik i antioxidantëve, anti-inflamatorëve dhe pro-detoksifikues e bëjnë atë një ushqim të veçantë përsa i përket parandalimit të kancerit. Një gjysmë filxhan brokoli në ditë ka vetëm 22 kalori. Kjo sasi është e mjaftueshme për të siguruar disa përfitime të matëshme. Vetëm një filxhan brokoli ofron më shumë se 100% të kërkesave të përditshme të vitaminës C dhe vitaminës K. Është gjithashtu një burim i mirë i vitaminës A, acidit folik dhe kaliumit. Brokoli i ka rrënjët e tij në Itali. Romakët e njihnin si lakër e egër. Ai u përhap në Lindjen e Afërt ku u vlerësua për vlerat ushqimore dhe u soll më pas përsëri në Itali ku u kultivua edhe më tej. Brokoli u prezantua në Shtetet e Bashkuara në kohërat koloniale. Emigrantët italianë e sollën këtë perime të çmuar me vehte në Botën e Re.

 

 

Përfitimet nga Brokoli

 

1  Ulja e nivelit të kolesterolit, në qoftë se ju do ta gatuani atë në avull.

2  Brokoli ka një ndikim të fortë pozitiv në sistemin e detoksifikimit të trupit tonë.

3  Brokoli mund të na ndihmojë në metabolizimin e vitaminës D kur kjo mungon në trupin tonë dhe ne duhet ta marrim nëpërmjet integratorëve ushqimorë.

4  Brokoli është një burim veçanërisht i pasur me kaempferol flavonoideve. Studimet e fundit kanë treguar aftësinë e kaempferol për të pakësuar ndikimin e substancave alergjike të lidhura në trupin tonë.

5  Shumë studime kanë treguar se konsumi i brokolit zvogëlon rrezikun e obezitetit, diabetit, sëmundjeve të zemrës, hipertensionit dhe sëmundjeve të caktuara gastrointestinale.

6  Brokoli, nëse konsumohet rregullisht, mund të ndihmojë në parandalimin e kancerit të qafës së mitrës, kancerit të mëlçisë, të gjirit, prostatës dhe zorrës së trashë, dhe kokës

7  Ndihmon në përmirësimin e shëndetit të kockave

8  Si antioksidant ( përmban më shumë se agrumet vitaminë C ), brokoli mund të ndihmojë në luftën kundër dëmtimit të lëkurës të shkaktuar nga dielli dhe ndotja. Në reduktimin e rrudhave dhe përmirësimin e cilësisë së lëkurës në përgjithësi.

 

Si ta zgjedhim

 

Duhet të jetë uniform në ngjyrë, jeshile e errët, ose ngjyrë vjollcë-jeshile, në varësi të ndryshme dhe pa zverdhje. Përveç kësaj nuk duhet të ketë ndonjë lule të verdhë në lulëzim, pasi kjo është një shenjë e pjekurisë së gjatë.

Brokoli i gatuar që mbetet nga konsumi duhet të vendoset në enë të mbyllur fort dhe ruhet në frigorifer, për disa ditë.